"Қазгидромет" РМК мәліметі бойынша, алдағы тәуліктерде еліміздің солтүстік бөлігінде атмосфералық фронтальды бөліктердің ықпалында болады. Синоптиктердің болжауынша, найзағай ойнап, бұршақ жауып, екпінді жел соғады.
Сондай-ақ, 18-19 шілдеде Қазақстан Республикасының батысында, солтүстік-батысында, 18-20 шілдеде солтүстік, солтүстік-шығыста нөсер жаңбыр жауады деп күтілуде.
"Қазақстанның қалған аумағы солтүстік-батыс антициклонының екпіндісінің ықпалында болады, осыған байланысты ауа райы негізінен жауын-шашынсыз болады деп күтілуде", - деді синоптиктер.
18-19 шілдеде күндіз республиканың оңтүстік-шығысында болжам бойынша 40-42 градусқа дейін өте қатты ыстық күтіледі.