Оның айтуынша, орталықта 9 науқас бар.
"Олардың төртеуі жансақтау бөлімінде ауыр халде жатыр. Барлығы жасанды тыныс алу аппаратында. Балалардың жағдайы өте ауыр. Қазіргі уақытта оларға барлық қажетті реанимациялық көмек көрсетілуде. Зерттеу үшін сұйықтықтар алдық. Нәтижелер шыққаннан кейін, нақтысын көреміз."Ержан Жүнісов
Сонымен қатар нейробокс бөлімінде бес науқас, 10-15 жас аралығындағы балалар бар.
"Жағдайлары орташа ауыр деп бағалануда. Олар толық бақылауда. Дене қызуы көтерілмейді, нәжіс жоқ, диспепсиялық синдром жоқ", - деп қосты ол.
Маман олардың да барлық қажетті ем-дом алатынын түсіндірді.
"Қарағанды қалалық балалар ауруханасында екі науқас жатыр. Олар реанимацияда жатыр, жағдайы өте ауыр. Олар да жасанды тыныс алу аппаратында", - деп түйіндеді сөзін Жүнісов.
Қарағанды облысы әкімдігінің хабарлауынша, 2023 жылдың 30 шілдесінде орталықта екі бала өзін нашар сезінген: құсу және нәжістері босаңсыған. Осы мекеменің тағы 10 баласы келесі күні (31 шілде) осындай белгілермен ауруханаға жатқызылды. Дәрігерлер қанша тырысқанымен бір баланы аман алып қалу мүмкін болмады.
Кейін Бас прокуратура мәлімдеме жасады. Олар жаппай уланудан кейін балаларға арналған барлық арнайы орталықтарды тексеретіндерін айтты.