Америкалық дипломат бұл мәселеге Өзбекстанда жұмыс істеп жүрген кезінде тап болғанын айтты.
"Шынымды айтсам, қоғамдық орындарда, мектептерде хиджаб кию мәселесімен онша таныс емеспін. Мен бұл мәселемен бұрын жұмыс істеген Өзбекстанда жиі кездестім. Бұл мәселе ол жақта да қызу талқыланатын".Дэниел Розенблюм
Ол бұл жағдайға қатысты нақты пікір білдіре алмайтынын, бірақ Америка Құрама Штаттары дін бостандығы мен сөз бостандығын әрқашан қолдайтынын айтты.
22 тамызда ҚР Оқу-ағарту министрі Ғани Бейсембаев үкімет кулуарында Қазақстан мектептерінде хиджаб киюге рұқсат беру мәселесіне тоқталып, барлық оқушылар заң талаптарына сәйкес сабаққа мектеп формасымен келуге тиіс екенін баса айтты.