Премьер-Министрдің баспасөз қызметі хабарлағандай, Әлихан Смайыловтың Түркістан облысына жұмыс сапары барысында Астана әуежайын мультимодальды хаб ретінде дамыту бойынша ынтымақтастық туралы келісімге қол қойылды.
"Инвестор елорда әуежайының қызметіне кешенді баға беріп, кейіннен жолаушыларға қызмет көрсету сапасын және тұтастай алғанда әуе айлағының тиімділігін арттыру бойынша жедел басқаруды өз қолына алады", - деп атап өтті баспасөз қызметі.
Сондай-ақ, дайындық жұмыстары мен елорданың қысқа құрылыс маусымын ескере отырып, келесі жылы жерүсті инфрақұрылымын қайта жаңғыртуды бастау жоспарланып отырғаны айтылды.
Осымен қатар мемлекет пен жеке компанияның мүдделерінің теңгерімін ескере отырып, әуежайды дамытудың ұзақ мерзімді бизнес-жоспары әзірленеді, ол болашақ инвестицияларға негіз болады.
Оқи отырыңыз
