Синоптиктердің болжауынша, Қазақстанның басым бөлігінде жаңбыр, қар жауады.
"Оңтүстік-батыста, солтүстік-батыста және солтүстікте қатты жауын-шашын болады", – дейді синоптиктер.
Қазақстан бойынша тұман түсіп, көктайғақ болады, жел күшейеді, солтүстік, солтүстік-батыс, орталық облыстарда бұрқасын болады.
Батыста, Ақмоланың солтүстігінде, Түркістанның таулы асуларында, түнде оңтүстікте, Солтүстік Қазақстанның батысында, күндіз Жамбыл облыстарының оңтүстік-батысында желдің екпіні 30 м/с және одан да жоғары болуы мүмкін.
