Қазіргі таңда 467 жағдай тіркелсе, оның 319-ы расталып отыр. Ауру жұқтырғандардың 60 пайызы бес жасқа дейінгі балғындар.
Ал науқастардың 83 пайызы бұрын қызылшаға қарсы егілмеген. 6 қарашадан бері жаппай иммундау аясында 6 айлық нәрестелерге вакцинациялау басталды.
Сондай-ақ вирус жұқтырған адамдармен қатынаста болған 37 мың адам анықталып, олардың 600-ге жуығы екпе салдырды.
Ал желтоқсан айынан бастап, 2 жастан бес жасқа дейінгі балалар егіле бастайды.
"Арнайы емі жоқ бұл аурудың. Ең басты біздің алдын алу шарамыз бұл – вакцинация. Сондықтан қазіргі кезде жаппай қосымша иммундау жүргізіліп жатыр. Бүгінгі күнге вакцина жеткізілді. 20 мың доза келді. Сол аудандарға таратылып берілді. Бізде бүгінгі күнге 371 бала, адам егіліп болды." Индира Күнбасова, Жетісу облыстық санитариялық-эпидемиологиялық бақылау департаменті басшысының орынбасары