Үндеу қала әкімінің Instagram парақшасында жарияланды.
"Құрметті елорда тұрғындары! Ауа райының күрт өзгеруіне байланысты қаланың коммуналдық қызметтері тәулік бойы күшейтілген режимде жұмыс істеп жатыр. Түнгі уақытта жауған жаңбырдың салдарынан көктайғақ орнады. Коммуналдық қызметтер түннен бастап жолдар мен тротуарларға құм-тұз қоспасын сеуіп жатыр".Жеңіс Қасымбек
Қала басшысы "оқыс жағдайға ұшырап", жарақат алмау үшін:
- қарттар мен балаларды көшеге шықпауға;
- ал көлік иелерін өте мұқият болуға және қашықтықты сақтауға шақырды.
"Травматологиялық пунктердің жұмысы күшейтілді. Аудан әкімдіктеріне және МИБ/ПИК-ке аулалар мен қоғамдық орындарға инертті материал шашу тапсырылды".Жеңіс Қасымбек