Журналистер "Республикалық бюджет туралы" заңға президент қол қойғанын атап өтті. Құжат, олардың айтуынша, зейнетақыны 9 пайызға арттыруды қарастырады – бұл шамамен 10 мың теңге. Осы орайда олар Еңбек және халықты әлеуметтік қорғау министрі Қазақстандағы бағаның өсуін ескере отырып, мұндай соманы жеткілікті деп санай ма деген сауал қойды.
Алайда, жауап ретінде Светлана Жақыпова индексацияның болжанған инфляция деңгейінде, 2 пайыздан жоғары болатыны заңнамалық тұрғыдан бекітілгенін айтты.
"Республикалық бюджет туралы заңда 9 пайыз қарастырылған, яғни заңнамалық негізде. Егер кенеттен инфляцияда қандай да бір өзгерістер орын алса, бұл мәселе де заңнамалық деңгейде қаралады. Бүгінде екі миллионнан астам зейнеткер бар. Орташа зейнетақы бүгінде шамамен 120 мыңды құрайды. Ең жоғары зейнетақы мөлшері 183 мыңнан асады. Бұл жинақтаушы зейнетақыны есепке алмайды. Келесі жылдан бастап ең төменгі жалақы 85 мың теңге болады. Салыстырыңыз", - деп толықтырды министр.
Желтоқсанның 12-сі күні Светлана Жақыпова Қазақстандағы жұмыссыздық деңгейінің өсуінің алғышарты ретінде жұмыстан босатылғандар санының өсуін бағалау қажет пе деген сұраққа түсініктеме берді.
