Шыршадан бөлек мейрамның көркін қыздыруға арналған безендіру жұмыстарына да қыруар қаржы бөлініпті, деп жазады qazaqstan.tv.
Ертіс жағасында мұздан қалашық құйылады. Оның құны 53 млн теңге. Сырғанақ, ертегілер кейіпкері бәрі сол жерде болады. Одан басқа қаланы безендіру үшін 80,5 млн теңге қаржы жұмсалады. Бүркіт пен шаңырақ бейнесіндегі әсем фигураларды қойып самаладай жарқыраған шамдармен безендіреміз. Светлана Гладышева, Павлодар қаласы әкімінің орынбасары
Биыл биік әрі алып мұз қалашықтарын салуға және ұзын сырғанақтар жасауға күн райы ырық бермейді. Бірақ, қыруар қаржы бөлерде әкімдік мұны ескеріп, сараптамаған сияқты. Осылай деп қоғамдық ұйымдар наразылық білдіріп жатыр. Құқық қорғау органдары болса, бөлінген қаражаттың игерілуін тексермек.
Жаңа жылдық шыршаны безендіруге байланысты сұрақтар бойынша қазіргі уақытта сыбайлас жемқорлыққа байланысты мониторинг жүргізе бастадық. Қорытындысы бойынша сіздерге қосымша хабар береміз. Мұратбек Қасымов, сыбайлас жемқорлыққа қарсы іс-қимыл департаменті басшысының бірінші орынбасары
