"Қазгидромет" РМК баспасөз қызметінің хабарлауынша, республикамыздың басым бөлігінде атмосфералық фронталды бөліктердің өтуіне байланысты тұрақсыз ауа райы күтіледі, атап айтқанда, жауын-шашын (қар, жаңбыр), көктайғақ, тұман, қатты жел түрінде.
Күндіз еліміздің оңтүстік-батысында жаңбыр, солтүстік-батысында қалың қар жауады, оңтүстік, оңтүстік-шығыс өңірлерде қатты жауын-шашын (қар, жаңбыр) болады. Қостанай облысында, Солтүстік Қазақстан облысының солтүстігінде, батысында, оңтүстігінде, Жамбыл облысының оңтүстік-батысында, Ақмола облысының орталығында, күндіз солтүстігінде, батысында 30 м/с және одан аса мөлшерде жылдамдықпен қатты жел тұрады деп күтіледі.