Маринаның батыл әрекетінің арқасында өрттен кейін кәмелетке толмаған алты бала тірі қалды, оның ерлігіне барша шымкенттік тәнті болды.
Қала әкімі әйелге ерлігі үшін алғыс айтты.
Ол төрт баланың анасы, қазір біраз қиындықты бастан кешіріп жатқан Марина Ғафароваға қолдау көрсетуге уәде берді.
Жақын арада шымкенттік әйелге жаңадан бой көтерген баспаналардың бірінен 4 бөлмелі пәтердің кілті табыс етіледі. Бұл бастаманы демеушілер қолдаған.
Еске салайық, оқиға 16 желтоқсанға қараған түні болған. Марина көрші үйде өрт шығып жатқанын байқап, өз өміріне қауіп төніп тұрса да, көмекке ұмтылған. Ол терезені сындырып, балаларды қою түтіннің арасынан алып шықты.
