Әлеуметтік желіге тараған бейнежазбаға сай, каналда жүздеген балықтың өлексесі бар.
Әзірге су маржандарының неден қырылғаны белгісіз, деп жазады qazaqstan.tv.
Бұл жағдай туралы барлық мүдделі мемлекеттік және жергілікті атқарушы органға жедел түрде хабарланған.
Қазір Жайық-Каспий облысаралық бассейндік балық шаруашылығы инспекциясының басшысы, жергілікті атқарушы орган, экология департаменті қызметкерлерінен тұратын комиссия мән-жайды анықтап жатыр.