Алдағы тәуліктерде белсенді атлантикалық циклонның науқаны мен онымен байланысты атмосфералық фронтальды учаскелердің әсерінен Қазақстанның басым бөлігінде қар жауады, оңтүстік облыстарда жаңбыр мен қар түріндегі жауын-шашын күтіледі.
6 қаңтарда еліміздің солтүстік-батысында қалың қар жауады, ал оңтүстікте жаңбыр мен қар түріндегі қатты жауын-шашын күтіледі.
7-8 қаңтарда солтүстік-батыста, солтүстікте және орталықта қалың қар жауады. Республиканың солтүстік жартысында қатты жауын-шашынмен бірге көктайғақ, бұрқасын күтіледі.
Республика бойынша тұман түсіп, жел күшейеді.
Синоптиктер еліміздің батысында, солтүстік-батысында, солтүстік және шығысында ауа температурасы күрт төмендейді деп болжап отыр.
Осылайша, республиканың батысында және солтүстік-батысында түнде ауа температурасы -8-25°, солтүстікте -5-30°, ал шығыста -5-18°-қа дейін төмендейді деп күтілуде.
Оңтүстік облыстарда түнгі негізгі фондық температура -5+7° шамасында болады деп күтілуде.
