The Guardian басылымы Oxfam халықаралық ұйымының тағы бір есебіне сілтеме жасап жазғандай, 2020 жылдан бері жер бетіндегі ең бай бес адамның байлығы екі есеге өсіп, 869 миллиард долларды құрады. Сонымен қатар, табысы ең төмен жер шарындағы халықтың 60 пайызы – 5 миллиардқа жуық адам бұдан да кедейленді.
Oxfam ұйымының бағалауынша, тым бай миллиардерлер мен әлемнің қалған тұрғындарының табыстары арасындағы үлкен алшақтық одан әрі өсе береді. 2020 жылдан бері барлық долларлық миллиардерлердің жалпы байлығы 3,3 триллион долларға өсті. Аса бай бизнесмендердің табысы әлемдік инфляциядан үш есе жылдам өсті.
Алдағы онжылдықта планета 1 триллион доллардан асатын байлықтың бірінші иесі болады. Сонымен бірге жаһандық кедейшілік мәселесі кем дегенде 229 жыл бойы шешілмейді. 52 елде 800 миллион жұмысшының орташа нақты жалақысы онжылдық басынан бері бар болғаны екі жылдың ішінде жалпы алғанда 1,5 триллион долларға төмендеді.
"Ең бай 1% адамдар акцияларды, компания акцияларын және бағалы қағаздарды қоса алғанда, әлемдегі қаржы активтерінің 59% иелік етеді", - деп жазады The Guardian.
Бұған дейін миллиардер Илон Маск Forbes нұсқасы бойынша әлемдегі ең бай адам деп танылғаны белгілі болды.
