Синоптиктердің мәліметінше, елімізде ауа температурасының құбылуы күтілуде.
"13-14 ақпанда фронтальды учаскелердің өтуімен Қазақстанның басым бөлігінде тұрақсыз ауа райы сақталады, жаңбыр мен қар түріндегі жауын-шашын күтіледі, солтүстік облыстарда қатты қар жауады, бұрқасын, көктайғақ күтіледі. Сондай-ақ батыста -5+5°С, солтүстік, орталық шығыс облыстарда -5+2°С дейін көтеріледі", - деп хабарлады "Қазгидромет" РМК.
Болжам бойынша, 15 ақпанда Қазақстан аумағынан циклон шығады, оның орнын қарсыз арктикалық антициклон алады, ол республиканың солтүстік жартысында аязды қайтарады.
"Елдің батысында, солтүстік-батысында және солтүстігінде 15 ақпанға қарай ауа температурасы түнде -22-32°С, күндіз -15-27°С дейін төмендейді деп күтілуде". "Қазгидромет" РМК
Сондай-ақ синоптиктер еліміздің қалған аумағында температуралық фонның күрт өзгеруі күтілмейтінін атап өтті.