Красный Яр ауылы маңында 8 жылқы құтқарылды. Олар Чаглинка өзенінің тасуына байланысты суда қалып қойған.
Сурет: Ақмола облысы ТЖД
"Тайтөбе ауылының маңында түйелерді құтқару жалғасуда. Оларды астана қаласынан келген ТЖД қызметкерлері құтқаруда, қазіргі уақытта үш түйені алып шықты. Ал, шымкенттік құтқарушылар бүгіндікке ең қызықты құтқару жұмысымен айналысты. Олар жабайы қоянның суға батып бара жатқанын көріп, құтқарып үлгерген. Артынша, қоянды қауіпсіз дала аймағына босатты.",- делінген ведомства мәліметінде.
Сурет: Ақмола облысы ТЖД
Сонымен қатар, құтқарушылар жергілікті тұрғындарға үй жануарларын ойпатты аймақтармен, су шайып өткен мекендерге жібермеуге кеңес беруде.