30 наурызда Алматы облысында Ворошилов су қоймасының бөгеті бұзылды.
"Соның салдарынан Жармұханбет өзенінің төменгі ағысындағы екі көлдің тостағандары толып, нәтижесінде 12 мыңнан астам адам тұратын екі елді мекенді су басу қаупі төніп, кейбірі шұғыл эвакуацияланды. Орналастырылған штаб пен уәкілетті органдардың тартылған күштері мен еріктілер қайғылы салдардың алдын алды", - деп еске салды облыс прокуратурасының баспасөз қызметі.
Олар 2017 жылғы 10 мамырда Алматы облысының қаржы басқармасы су қоймасын сенімгерлік басқару шарты бойынша "Петровой Л" ЖК бергенін хабарлады.
"Бұл ретте, соңғы теңгерім ұстаушы – Алматы облысы ауыл шаруашылығы басқармасының "Илиирригация" су қоймасы жанындағы мемлекеттік кәсіпорны. Сонымен бірге, сараптама қорытындысы бойынша Алматы облысының прокуратурасы 1-бап бойынша қылмыстық іс қозғады. Қазақстан Республикасы Қылмыстық кодексінің 371-бабы (Салақтық) бойынша тергеп-тексеру Сыбайлас жемқорлыққа қарсы іс-қимыл агенттігінің Алматы облысы бойынша департаментіне жүктелді", - деп қорытындылады прокуратура.
