Видеоның сипаттамасында оқыс оқиғаның мектептің жанында болғаны айтылады. Видеода ер адам әйелді шашынан сүйреп, балағаттап, жуан жұдырықтарын да сілтеп жатыр. Куәгерлердің бірі полиция шақырамын деп айғайлайды. Оған агрессор: "Шақыра бер, отырып шығамын!" - деп жауап береді.
Қарағанды облыстық полиция департаментінің баспасөз қызметі бұған дейін шабуыл жасаған адамның жеке басы анықталып, полицияға жеткізілгенін хабарлаған. Қазір болған оқиғаның барлық мән-жайы анықталып жатыр. Толық мәліметтер кейінірек жарияланады деп уәде етілді.
