Ведомствоның мәліметінше, су қоймасы 99 пайызға толған.
"Кіретін суды ағызу транзиттік режимде жүргізілуде, су тасқынының шарықтау шегі өтіп, су қоймасына құйылатын судың азаю үрдісі байқалады", - деп атап өтті министрлік.
Тасқын сулары Есіл өзенінің қалалық арнасы арқылы қауіпсіз ағызылады. Жағдайды 24 сағаттық бақылау жалғасуда.
Бірер күн бұрын Су және суару министрлігі Ақмола облысындағы Астана су қоймасы транзиттік режимге көшіп, одан секундына 400 текше метр су ағызылып, осыншама су келгенін хабарлады.