Сондықтан да, дәстүрін діңгек еткен дана халқымыз көктем шығысымен аумақты көкжелекке айналдыруға атсалысып, тал отырғызуда белсенділік танытады.
Бүгінде елімізде "Таза Қазақстан" республикалық экологиялық акциясының үшінші аптасы "Жасыл аймақ" тақырыбында жалғасуда.
Сурет: Қызылорда облысы әкімдігінің баспасөз қызметі
Осы ретте, Сырбойылық бір топ ардагерлер және зиялы қауым өкілдері қаладағы Қорқыт ата ескерткіші маңында Сыр талын отырғызып, аталмыш акцияға өз үлестерін қосты.
Сурет: Қызылорда облысы әкімдігінің баспасөз қызметі
Бұдан бөлек, ардагерлер ескерткіш аумағында әдемі гүлдер екті.
Сурет: Қызылорда облысы әкімдігінің баспасөз қызметі
Шара барысында облыстық ардагерлер кеңесі төреағасының орынбасары Өмірбек Шәменов акцияға қатысты өз пікірін білдіріп, жас ұрпаққа табиғаттың жанашыры болуға және айналаны барынша таза ұстауға шақырды. Осы арқылы аймағымыздың экологиялық ахуалын жақсартып, жан-жағымызды жасыл-желекке айналдыруға үлкен мүмкіндік болары сөзсіз екенін тілге тиек етті.
Сурет: Қызылорда облысы әкімдігінің баспасөз қызметі
Айта кетейік, "Жасыл аймақ" апталығы Қызылорда қаласы және барлық аудан орталықтарында ерекше шаралармен жалғасуда.
