Бұл туралы 2024 жылдың 20 мамырында облыстық қадағалау органы хабарлады.
"Аудан прокуратурасы Үржар, Мақаншы және Қабанбай ауылдарының көшелерін орташа жөндеу жұмыстарына жалпы сомасы 803 млн теңгеге мемлекеттік сатып алу конкурстарының күшін жойды. Жергілікті атқарушы орган мемлекеттік сатып алуды тиісті ведомстволық сараптамасыз өткізбекші болған ("Мемлекеттік сатып алу туралы" Қазақстан Республикасы Заңының 21-бабы 2-тармағының 2-тармақшасына сәйкес)." Абай облысының прокуратурасы
Қазіргі уақытта жергілікті атқарушы органымен заң талаптарына сәйкес конкурстық құжаттаманы өткізу бойынша жұмыс жүргізуде.
2024 жылғы 15 мамырда Мәжілісте депутаттар "Мемлекеттік сатып алу туралы" заңның жаңа редакциясын екінші оқылымда мақұлдады. Құжат Сенаттың қарауына жіберілді.