Түрлі елдердің президенттерінен бөлек, 160-қа жуық спорт министрі де келеді деп күтілуде. Осыншама мәртебелі меймандар бұл оқиғаны Олимпиада ойындарының тарихында болмаған жағдайға айналдырады. Ашылу салтанатына шақыруларға Халықаралық Олимпиада комитеті (ХОК) жауапты.
Өз кезегінде Франция президенті Эммануэль Макрон Елисей сарайында Сена өзеніндегі Олимпиада шеруі басталар алдында мемлекет басшыларымен кездесуді жоспарлап отыр.
Әрине, Ойындардың ашылу салтанатының толық қауіпсіздігін қамтамасыз ету үшін штаб құрылды. Оның құрамына 45 000 қауіпсіздік күштері, 24 000 жеке қауіпсіздік қызметкерлері және 18 000 әскери қызметкерлер кірді.
2024 жылғы Олимпиада кезінде Франция қауіпсіздік шараларын күшейту үшін 1100-ге жуық маманды жіберетін 45 елден, негізінен Еуропадан көмек алады.
Франция үкіметі мен ХОК ашылу салтанатына дайындалып жатқанда, Олимпиада алауы елде шарықтап тұр. Жақында алау әйгілі Канн кинофестиваліне әкелінді.
Ал 25 мамырда стенд атудан Қазақстан құрамасының спортшысы Әсем Орынбай елімізге 54-ші Олимпиада лицензиясын жеңіп алды.
