"Егер негізгі ҰБТ-дан төмен балл жинасаңыз, сіздің қаңтар немесе наурыз айларындағы ҰБТ-ның жоғары нәтижелерімен грант конкурсына қатысу мүмкіндігіңіз бар. Осылайша, қалауыңыз бойынша, сіз ең үздік ҰБТ нәтижесімен грант конкурсына қатыса аласыз. 2024 жылы жалпы грант санының 20%-ы су тасқынынан зардап шеккен өңірлердің талапкерлеріне бөлінеді", делінген орталық хабарламасында.
Естеріңізге сала кетсек, бұл аймақтың оқуға түсушілері үшін грант конкурсына құжаттар қабылдау 13-24 шілде аралығында жүзеге асырылады.
Айта кетсек, магистратураға түскісі келетін талапкерлер 8 шілдеге дейін өтініш өткізе алады.
