Сауда ойын-сауық орталықтарында, теміржол вокзалында және Қостанай қаласының орталық алаңында қала тұрғындарына адам саудасының құрбаны болмау үшін не істеу керектігі және қайда жүгіну керектігі айтылды. Акция барысында алдын алу ақпараты бар буклеттер таратылды.
"Адам саудасы – адам құқықтарын өрескел бұзу және халықаралық заңнамада қауіпті қылмыс болып есептеледі. 2013 жылы БҰҰ Бас Ассамблеясы Дүниежүзілік адам саудасына қарсы күрес күнін белгіледі, оны БҰҰ-ның халықаралық күндерінің жүйесінде 30 шілдеде атап өтеді. Биылғы жылы БҰҰ "Адам саудасына қарсы күресте көмекке мұқтаж бірде-бір бала туралы ұмытпау" тақырыбын анықтады. Халықаралық бастаманы қолдау және ҚР ІІМ тапсырмасын орындау мақсатында Қостанай облысының полицейлері "Адам саудасына қарсы күресте біртұтас!" атты іс-шара өткізді"- деп атап өтті Қостанай облысы ПД ҰҚҚІҚБ бастығының міндетін атқарушы Мұрат Ғалиханов.
Сондай-ақ акция барысында полицейлер "Алтынгүл" балалар сауықтыру лагерінде салтанатты іс-шара өткізді.
Онда "Адам саудасына жол жоқ" логотипі бар бейсбол қалпақшалары, адам саудасының алдын алу туралы ақпараты бар брошюралар табыс етілді. Сондай-ақ балаларға балмұздақ пен тәттілер таратты.
