Бұл туралы ҚазАвтоЖолдың баспасөз қызметі хабарлады.
Көлігінде техникалық ақаулар пайда болған жүргізуші 1403 тегін нөміріне қоңырау шалуы керек. Операторлардан ақылы жолдармен жүру құнын және қазіргі уақытта трассаның ашық немесе жабық екенін білуге болады.
"Егер көлік жолда бұзылып қалса, оны сүйреу үшін көмек сұрауға болады. Біз машинаның маркасын біліп, тиісті қызметкерлерді жібереміз. Көлікті жақын елді мекенге немесе жақын жердегі тұрақ аймағына сүйрейміз. Біздің басты мақсатымыз – жол пайдаланушылары үшін қауіпсіздікті қамтамасыз ету. Екі жолақты трассаларда тоқтаған көлік қозғалысты қиындатады", – деп нақтылады баспасөз қызметі.
Компания сұраныстың төмендігіне байланысты эвакуатор қызметін көрсетпейді, яғни, арнайы қызметкердің толық жүктемеде жұмыс істеуіне қажеттілік жоқ.
"ҚазАвтоЖол" жалпы ұзындығы 25 мың шақырым болатын халықаралық және республикалық маңызы бар автомобиль жолдарын басқару жөніндегі ұлттық оператор болып табылады.
Ол аталған автомобиль жолдарын салуды, реконструкциялауды, жөндеуді, күтіп ұстауды және трассалар бойындағы қызмет көрсету объектілерін дамытуды бақылау функцияларын атқарады, сондай-ақ ақылы қозғалысты ұйымдастырушы болып табылады.