Оның айтуынша, биыл отынның барлық түрлерінің – бензиннің, авиакеросиннің, дизель отынының барлық түрлерінің бірегей қорын құруға мүмкіндік туды.
"Мұнай өнімдерін тұтынудың артуы кезеңінде, әдетте, егіс немесе егін жинау жұмыстары кезінде Қазақстанның дизельдік отынға қажеттілігі артады. Оны Ресей Федерациясынан әкелеміз. Қазіргі уақытта ресейлік тарапта ешқандай проблемалар немесе шектеулер жоқ. Барлық келісім-шарттар толық көлемде орындалды. Бірақ қазір біз мұнай өнімдерін ел ішінде өндіру арқылы ішкі нарықты толығымен жауып жатырмыз", — деді ол.
Сатқалиев Қазақстанда көп жылдардан бері алғаш рет барлық мұнай өңдеу зауыттарында күрделі және ағымдағы жөндеу жұмыстары толығымен жүргізіліп жатқанын қосты.
"Біз Шымкент пен Павлодар мұнай өңдеу зауыттарында жөндеу жұмыстарын аяқтадық, Атырауда ағымдағы жылдың қазан айында, бір ай ішінде ағымдағы жөндеу жұмыстарын жүргізуді жоспарлап отырмыз. Бұл ретте біз қазақстандықтардың негізгі отынға деген қажеттілігін сезінбеуі үшін барлық қажетті резервтерді қалыптастыратынымызды түсінеміз – Ред. Омбы зауытымен бұл коммерциялық жабдықтау мәселесі. Әдетте, келісім-шарт ірі компаниялармен – зауыт иелерімен, мұнай өнімдерін негізгі жеткізушілер – Лукойл, Нефть, Газпром Нефть компанияларымен жасалады.Әзірге Қазақстан нарығына жеткізуде олар тарапынан ешқандай проблемалар немесе шектеулер жоқ", — деп сендірді Энергетика министрлігінің басшысы.
2024 жылдың 1 тамызында Омбыдағы мұнай өңдеу зауытының аумағында ірі өрт шыққаны хабарланған.
