Ведомство берген мәліметке сай, қазанда Жамбыл облысы бойынша Шекара қызметінің департаменті Мемлекеттік шекарада жанар-жағармай материалдарын заңсыз өткізудің 159 фактісінің жолын кесті.
Мұнай өнімдері қосымша орнатылған жанармай цистерналарын, қайта жабдықталған газ баллондарын және әртүрлі шаруашылық ыдыстарын пайдалана отырып автокөлікпен тасымалданған.
"Ағымдағы жылдың басынан бері осы учаскеде ЖЖМ-ды тасымалдаудың 1 205 жағдайының алдын алынды." ҰҚК баспасөз қызметі
Аталған фактілер бойынша материалдар тиісті шаралар қабылдануы үшін құзыретті органдарға берілді.
19 қазанда "Ақ-Жол" өткізу бекетінде Қазақстаннан Қырғызстанға жанар-жағармай тасымалдайтын алты жол талғамайтын көлік пен бір автобус ұсталғаны хабарланған болатын.