Бұл туралы 2024 жылғы 18 қарашада әкімдіктің Instagram парақшасындағы жазбасынан белгілі болды.
"Талғар қаласы әкімінің орынбасары лауазымына Бауыржан Ынтымакович Байбатыров тағайындалды",- делінген ақпаратта.
Бауыржан Байбатыров 1987 жылы дүниеге келді. "Орталық Азия Университеті", құқықтану мамандығы бойынша білім алған. Жалпы мемлекеттік қызметтегі еңбек өтілі 8 жылдан асады.
Еңбек жолы:
- 2014 жылы Бөлек ауылдық округінің әкімдігінде жетекші маманнан бастап, бас маман лауазымына дейін көтерілді.
- 2018-2020 жылдары Еңбекшіқазақ ауданы бойынша кірістер басқармасының бас маманы болды.
- 2023 жылдан бастап Талғар ауданы әкімінің аппараты мемлекеттік-құқықтық бөлімінің бас маманы қызметін атқарды.
Бұған дейін Талғар ауданы әкімі аппаратының жаңа басшысы тағайындалғаны хабарланған болатын.