Бұл өткен жылдың осы кезеңімен салыстырғанда 31%-ға артық. Осылайша Қазақстан шетелдік саяхатшылар үшін танымал бағытқа айналып келе жатыр, — дейді туризм саласына жауаптылар.
"eQonaq" жүйесінің мәліметіне қарасақ, 2024 жылдың 10 айында өңірге 111 мыңнан аса шетелдік аяқ басқан. Бұл 2023 жылғы көрсеткіштен 73%-ға жоғары, деп жазады qazaqstan.tv.
Мамандар мұндай өсімді елдің табиғаты мен мәдени мұрасына деген қызығушылықтың артуымен байланыстырады. Соның ішінде Ұлттық парктер аумағындағы тұмса табиғат саяхатшыларды өзіне баурап отыр.
"Іле-Алатау паркіне 790 мың халық келген және Көлсайға 363 мың халық. Шарын ұлттық паркіне 120 мың халық келген. Алдыңғы жылмен есептеп көрсек, екі есеге өсіп отыр туристер саны." Қуанышбек Мейрамбекұлы, Алматы облыстық туризм басқармасының басшысы