Жергілікті "PN Pavlodar" Instagram порталының хабарлауынша, байқау үш саты бойынша өтті:
- шырғаны қолға шақыру;
- шырғаға салу;
- Шырғаны уақытқа салу.
Ашық турнир КСРО аңшылық өнерінің үздігі, Баянауыл ауылының тумасы Жарылғап Мәуи Әбікеевті еске алуға арналып, еліміздің Тәуелсіздік күні мерекесімен тұспа-тұс келді.
Спортшылар Ақтоғай ауданы, Екібастұз және Ақсу қалаларынан, сондай-ақ Ақмола, Шығыс Қазақстан облыстарынан, Астана, Қарағанды, Ақтөбе қалаларынан келді.
Жарысқа барлығы 40 спортшы қатысып, қазылар алқасын Қазақстан Журналистер одағы сыйлығының иегері, Қазақстан Республикасының құрметті спорт қайраткері Бағдат Мүптекеқызы басқарды.
Алғашқы екі орын Астана қаласының өкілдеріне бұйырды. Бұл – Ерасыл Серікбеков пен Күнтуған Серікбеков. Үшінші орында Алан. Ол атақты бүркітші Бекболат Ысқақовтың ұлы.
Жақында Ақтөбеден табылған жас қоқиқазды Алматы хайуанаттар бағына өткізу жоспарлануда.