Energyprom.kz сарапшыларының мәліметінше, жаңа жыл қарсаңында сұлулық индустриясы бағаны тағы 1,2% -ға көтерді. Бір жыл ішінде бағаның өсуі 13%-ға жетті.
Ағымдағы жылдың қаңтар-қыркүйек айларының қорытындысы бойынша шаштараздар мен сұлулық салондары қазақстандықтарға жалпы сомасы 49,2 млрд теңгеге қызмет көрсетті. Бұл – 2023 жылдың ұқсас кезеңіне қарағанда 13,3%-ға артық.
"Өңірлік бөліністе секторда ең көп қызмет Алматыда көрсетілді – 11,1 млрд теңге. Екінші және үшінші орындарды Астана мен Қарағанды облысы иеленді: 8,4 млрд және 6,6 млрд теңге. Жетекші өңірлердің бестігіне Павлодар (4,2 миллиард теңге) және Қостанай (3,8 миллиард теңге) облыстары да кірді", – дейді сарапшылар.
Соңғы жолдарда Түркістан (300,8 млн теңге), Ұлытау (373,2 млн теңге) және Атырау (534,5 млн теңге) облыстары тұр, деп жазады Pavlodarnews.kz.