Журналистер ведомствоның төтенше жағдайлардан тұрғын үйді сақтандыруға қатысты еліміздің заңдарына қандай нормалар енгізуді ұсынғанын сұрады.
"Негізгі әзірлеуші Қаржы нарығын реттеу және дамыту агенттігі болады. Бұл өркениетті әлемнің әдістері – бұл бүкіл әлемде бар. Біз бұған көшуіміз керек. Бұл жеке үйлерге ғана қатысты емес. Сондай-ақ көппәтерлі тұрғын үйлердегі пәтерлер де бар", – деді министр.
2024 жылғы 9 қыркүйекте ҚР Төтенше жағдайлар министрлігінде өткен брифингте Қазақстан Республикасы Төтенше жағдайлар министрлігі Өртке қарсы қызмет комитеті төрағасының орынбасары Ерлан Төрегелдиев Қазақстанда тұрғын үйді төтенше жағдайлардан міндетті сақтандыруды енгізу жоспарлары туралы айтты. Ол тиісті заң жобасы әзірленіп, Мәжілістің қарауына жіберілгенін атап өтті.