Маман жетіспеушілігі мәселесін талқылау үшін бүгін Астанада Халықаралық ғылыми-практикалық конференция өтті.
Шараға Қазақстаннан бөлек, Испания, Түркия, Ресей, Германия елдерінің білікті мамандары жиналды.
Дәрігерлердің айтуынша, аллергиялық аурулардың тұқым қуалап, өршіп кету қаупі жоғары, деп жазады qazaqstan.tv.
Сондықтан ақ халаттылар ауруды асқындармау амалын қарастырып жатыр.
Тіпті үмітсіз қалған науқастарды биологиялық ем арқылы құлантаза айықтырған жағдайлар да кездеседі екен.
"Биологиялық ем деп тұрғанымыз – ең ауыр науқастарға арналған ем. Оны астмаға қолданамыз, атопиялық тері ауруына, одан кейін есекжем деген ауру бар соларды емдеу үшін биологиялық терапияны қолданамыз. Өте қымбат емдеу. Оны біздің мемлекетіміз ауруларға ақысыз түрде бөледі." Ғалия Түсіпбекова, ҚР ПІБ МО ауруханасының бас аллерголог-иммунологы