Спикер 1 наурыздан бастап Қазақстанда азаматтарды мерзімді әскери қызметке көктемгі шақыру басталатынын еске салды.
"Биылғы жылы әскерге шақыруды кейінге қалдыруға немесе босатуға құқығы жоқ 18 бен 27 жас аралығындағы жастар шақырылуға жатады. Бұл жауапты міндет әскерге шақыру комиссияларына жүктелген және елдің жауынгерлік дайындығы мен қорғаныс қабілеті, яғни ұлттық қауіпсіздік олардың жұмыс сапасына тікелей байланысты", – деп атап өтті Лаззат Руспекова.
Оның айтуынша, 2024 жылдың қорытындысы бойынша Астана бойынша 4 638 әскерге шақырылушы медициналық куәландырудан өтті, оның ішінде 4 220 әскерге шақырылушы әскери қызметке жарамды ретінде танылды, бұл 91%-ды құрайды.
Бұған дейін Қазақстандық мұғалімдердің жалақысы екі есе өскендігі хабарланған болатын.