Үміткерлерге келесі талаптар қойылады:
- жас: 18-27 жас;
- биіктігі: 180 см кем емес.
- орта, орта арнаулы немесе жоғары білім;
- жақсы денсаулық;
- жоғары оқу орнын бітірген немесе спорттық жетістіктері барларға басымдық беріледі.
Іріктеуден өткен мерзімді әскери қызметшілер Алматы және Астана қалаларында міндетті әскери борышын өтеп, арнайы тапсырмаларды орындайды.
Бұл:
- Қазақстан Республикасы Президентінің және басқа да күзетілетін адамдардың қауіпсіздігін қамтамасыз ету;
- салтанатты және хаттамалық іс-шараларға қатысу;
- Қазақстан Республикасының Мемлекеттік Туы мен Мемлекеттік Елтаңбасының эталондарын қорғау.
"Отанға қызмет, күш пен қайрат, ерлік пен табандылық 2025 жылдың 3 наурызынан бастап жергілікті әскери басқару органдары Қазақстан Республикасы Азаматтық қорғанысы қатарына шақырылушыларды іріктеуде! – деп атап өтті МКҚ Instagram парақшасында.
Жергілікті атқарушы органдардың байланыстарын төмендегі жарияланымнан табуға болады.
Қазақстан Республикасының Мемлекеттік күзет қызметі – Қазақстан Республикасының ұлттық қауіпсіздік органдарына жататын және заңда белгіленген құзыреті шегінде Қазақстан Республикасы Президентінің, басқа да күзетілетін адамдар мен объектілердің қауіпсіздігін қамтамасыз ету жөніндегі күзет шараларын жүзеге асыратын, Президентке тікелей бағынатын және есеп беретін арнаулы мемлекеттік орган.
2024 жылдың жазында МКҚ шілде айының басындағы бірнеше мемлекет басшыларының Астанаға сапарының мысалында ведомствоның қалай жұмыс істейтінін көрсетті.