Президент Тоқаевтың тапсырмасы бойынша 2025 жылдың соңына дейін 206 мың орындық тағы 112 мектепті пайдалануға беру жоспарлануда. Оның 45 пайызы ауылдық жерлерде орналасады, деп хабарлайды еліміздің Білім министрлігінің баспасөз қызметі.
"Жалпы "Жайлы мектеп" ұлттық жобасы бойынша 460 мың оқушыға арналған 217 жаңа форматтағы мектеп салу қарастырылған", – делінген хабарламада.
Ал, Қазақстандағы мектеп оқушылары жетістіктерге толы: шымкенттік мектеп оқушысын әлемнің 50 университеті шақырса, тараздық озат студенттер мүмкіндігі шектеулі жандарға арналған "ақылды" протезге инвестор іздеуде.