"Жетінші арна" ақпаратынша, бұл стартап жасанды интеллект саласында Ташкентте өткен халықаралық AICA Awards премиясында Орталық Азиядағы ең үздік жоба атанды.
Жоба авторларының ойынша, "ақылды тіссауыт" мүмкіндігі шектеулі адамдарға смартфон арқылы арба мен тұрмыстық техниканы бас пен тілдің қозғалысы арқылы басқаруға мүмкіндік береді. Құрылғыны қолдану үшін оны жаққа орнату жеткілікті.
Қазір жас стартапшылар өз жобаларын кеңейту және сатылымға шығару үшін инвесторлар іздеуде.
"Біз жергілікті желі арқылы, мысалы, бір Wi-Fi желісіне қосылған кондиционерді немесе теледидарды басқара аламыз. Құрылғыда тілдің қозғалысын анықтайтын бірнеше датчик және басты қозғалысты бақылайтын алты осьті гироскоп бар. Барлық деректер басты микрочипке жіберіледі", – деді НИШ оқушысы Барысхан Қалдыбай өз жобасының ерекшеліктерімен бөлісіп.
Бұған дейін "Жайлы мектеп" жобасы бойынша 2025 жылдың соңына дейін қанша мектеп салынатындығын жазған болатынбыз.