Қазақстанда 2025 жылдың 16 мамырында басталған ұлттық бірыңғай тестілеуде Түркістан облысының түлегі ең жоғарғы баллды бірінші болып жинады. Содан бері көп балалы отбасының тумасы, Ордабасы ауданындағы Темірлан ауылындағы мектеп түлегі Түркістан өлкесін елге танытты.
Әкімдікте өткен жиынға Шоқан Уәлиханов атындағы мектеп-гимназиясының директоры Сәуле Исанова мен Жәнібектің сынып жетекшісі Гүлзира Бортаева да шақырылды, деп хабарлайды облыс әкімдігінің баспасөз қызметі. Рекорд жасаған түлекті облыс әкімі Нұралхан Көшеровтің атынан жеке құттықтап, одан әрі оқуына қажетті ноутбук сыйға тартылды.
Сол жиында Жәнібек Әбілхан өзінің рекордымен танымал еткен мектеп-гимназиясының жөндеуге жататын нысандар қатарына енгізілгені белгілі болды. Биыл күрделі жөндеуден өтіп, жаңа оқу жылында мектеп оқушылары жөндеуден өткен ғимаратта білім ала бастайды.
Сондай-ақ 22 мамырда Түркістанда мәдениет және өнер қызметкерлеріне құрмет көрсетілсе, Алматыдағы жазғы лагерьлердің дайындығы талқыланды.