Астана полиция департаментінің мәліметінше, Сарыарқа аудандық қылмысқа қарсы полиция қызметкерлері жүргізген жедел-іздестіру іс-шараларының нәтижесінде 27 жастағы күдікті ұсталды.
"Қылмыскердің әрекетін бірінші рет жергілікті тұрғын полицияға арызданған кезде білдік. Оның айтуынша, компания өкілі арзан бағаға үй салуға уәде берген.Ол 5 миллион теңгеге жуық ақша алып, уәдесін орындамаған. Бұл алаяқтық схемаға тағы алты адам түсті", – деді полиция.
Күдіктінің үстінен барлығы жеті қылмыстық іс тіркеліп, келтірілген шығын көлемі 35 миллион теңгеден асады.
Осы уақытта Алматыда полицейлер алаяқтарға көмектескені үшін түрмеге жабылатын әйелді ұстады.