ҚР Денсаулық сақтау министрлігінің ақпаратына сүйенсек, 1976 жылы туған пациент, Жамбыл облысының тұрғыны шұғыл түрде ауыр жағдайда – ми қан айналымының жіті бұзылуы және миға көп қан құйылу диагнозымен жеткізілді. Дәрігерлердің күш-жігеріне қарамастан, пациенттің жағдайы емді қабылдамады және үшінші күні мидың өлімі анықталды.
"Барлық қажетті құқықтық рәсімдерден кейін және отбасынан келісім алғаннан кейін — басқа адамдарға өмір сүруге мүмкіндік беру туралымаңызды және дұрыс шешім қабылданды.Өмірлік маңызды жүрек, бауыр және бүйрек ағзалары алынды",- делінген ақпаратта.
Жүрек шұғыл түрде трансплантаттауға мұқтаж жас пациентке Шымкент қаласына жіберілді. Бауыр мен бүйрек өмірін сақтап қалу мүмкіндігін күткен басқа пациенттерге трансплантаттау үшін Астана қаласына жеткізілді.
"Ағзаларды көп ағзалық алу – бұл қайтыс болғаннан соң бір донордан кейін трансплантаттау үшін бірден бірнеше ағза алынатын рәсім. Бұл медициналық мекемелер мен авиация арасындағы ең жоғары үйлестіруді, дайындықты және өзара іс-қимылды қажет етеді. Донордың отбасына бірнеше пациенттің өмірін сақтап қалған батыл және адамгершілік шешімі үшін шын жүректен алғыс. Осы маңызды және игі іске қатысқан барлық мамандар мен ұйымдарға алғыс айтамыз". ҚР Денсаулық сақтау министрлігі
Бұған дейін Ақтөбеде үш жасар баланың саусағынан айырыла жаздағанын жазғанбыз.