Ақтөбеде үш жасар бала саусағынан айырыла жаздады

25 маусымда құтқару қызметіне үш жасар бала саусағын ойыншықтың пластикалық бөлшегі қысып қалғанын, оны өздігінен алу мүмкін болмай жатқаны жайлы қоңырау келіп түсті. Оқыс оқиға Ақтөбе қаласының Астана ауданы, Оспанов көшесіндегі үйлердің бірінде болған, деп хабарлайды Zakon.kz.

ҚР ТЖД баспасөз қызметінің хабарлауынша, оқиға орнына келіп жеткен құтқарушылар өте сақтықпен әрекет етіп, үш жасар баланың қолын жарақаттамай аман-есен босатты. 

Айта кетсек, 2025 жылы 18 маусымда Талдықорғанда құтқарушылар суда аяғына арматура кіріп кеткен балаға көмектесті.