Тексеруден кейін Жоғарғы есеп палатасы аудит объектілеріне заңнама мен ішкі тәртіп ережелерінің талаптарын сақтауды қамтамасыз етпеген қызметкерлердің жауапкершілігі туралы мәселені қарауды тапсырды. Нәтижесінде 16 адам жазаланды. Олар тәртіптік жауапкершілікке тартылды.
Бұлар:
- Қазақстан Республикасы Энергетика министрлігі: департамент директоры;
- "Самұрық-Энерго" АҚ: "Ерейментау жел энергетикасы" ЖШС бас директоры;
- "Қазақстанның электр энергиясы және қуат нарығының операторы" АҚ: қаржы жөніндегі басқарушы директор – Басқарма мүшесі, цифрлық қолдау департаментінің директоры;
- "Жаңартылатын энергия көздерін қолдау жөніндегі есеп айырысу-қаржы орталығы" ЖШС: Бас директордың орынбасары, Қаржы департаментінің Бухгалтерлік және салықтық есепке алу бөлімінің бастығы, Әкімшілік департаментінің директоры, Электр энергиясы нарығы департаментінің энергия өндіруші ұйымдармен жұмыс бөлімінің бастығы, Заң департаментінің директоры;
- "Алматы электр станциялары" АҚ: пайдалану-жөндеу басқармасының мердігерлік жұмыстар бөлімінің бастығы, диспетчерлік бөлімнің бастығы, даму және құрылыс жөніндегі басқарушы директордың міндетін атқарушы, экономика департаментінің тарифтер басқармасының бастығы.
"Сонымен қатар, "Жаңартылатын энергия көздерін қолдаудың есеп айырысу-қаржы орталығы" жауапкершілігі шектеулі серіктестігінің жеке басшы қызметкерлерімен еңбек шарты бұзылды. Мемлекеттік аудит қорытындысы бойынша басқа да Жоғарғы есеп палатасы тапсырмаларының орындалуы бақылауда", – деп хабарлады ведомстводан.
Аудит ағымдағы жылдың бірінші жартыжылдығында жүргізілді. Нәтижесінде 66 млн теңгеге қаржылық бұзушылықтар, бюджет қаражатын тиімсіз жоспарлау – 2,2 млрд теңге, бюджет қаражаты мен активтерін тиімсіз пайдалану – 104,8 млрд теңге, сондай-ақ 72 рәсімдік бұзушылықтар, 35 жүйелік кемшіліктер анықталды.