Тиісті ақпарат департаменттің сайтында пайда болды.
Дамир Ермағамбетов 1978 жылы 26 маусымда Батыс Қазақстан облысы Теректі ауданы Федоровка ауылында дүниеге келген.
1998 жылы Қазақстан Республикасы Ішкі істер министрлігінің Алматы жоғары техникалық училищесін, 2001 жылы Қазақстан Республикасы ӘҚБК Көкшетау техникалық институтын бітірген.
Құқық қорғау органдарында 1995 жылдың қыркүйегінен бері қызмет етіп келеді.Алматыға келгенге дейін Қостанай облысы Төтенше жағдайлар департаментінің бастығы қызметін атқарған.
Ерлігі мен адалдығы үшін Дамир Мақсұтұлы II-ші және I-ші дәрежелі "Айбын" орденімен марапатталды.
2025 жылдың 10 шілдесінде Нұрлан Атығаевтың Алматы қаласы Төтенше жағдайлар департаментінің басшысы қызметінен кеткені белгілі болды.