Оның сөзінше, олар үшін жазаның бір ғана түрі бар – заңсыз алынған бюджет қаражатын қайтару.
"Еңбек министрлігінің қолында адамның Қазақстаннан заңсыз кеткен күні, тіркеуден қашан шыққаны немесе елде қай уақыт аралығында тұрмағаны туралы ақпарат жоқ. Шығын көлемін уәкілетті орган – Қаржылық мониторинг агенттігі анықтайды", – деді Жақупова.
Министрдің айтуынша, барлық материалдар тиісті органдарға жолданған, тергеу жүргізіліп жатыр.
"Ең үлкен жаза – өмірінің соңына дейін қаражатты қайтарып отыру. Заң мен тәртіп бүкіл қоғамда жұмыс істеуі тиіс", – деп қосты ведомство басшысы.
Бұған дейін министр кейбір азаматтардың бір мезетте үш елден зейнетақы алып келген фактілерін хабарлаған болатын.