"Қар жауып, боран соғады". Еліміз бойынша 19 қарашаға арналған ауа райы болжамы

Қар, жаңбыр, ауа райы болжамы, Қазақстан, 19 қараша, сурет - Zakon.kz жаңалық 18.11.2026 18:28 Сурет: Zakon.kz
Синоптиктер Қазақстан аумағы бойынша 2026 жылғы 19 қараша, бейсенбіге арналған ауа райы болжамын жариялады, деп хабарлайды Zakon.kz.

Ұсынылған мәліметке сәйкес, антициклон әсерінен тек еліміздің шығысында, оңтүстік-шығысында және орталығында жауын-шашынсыз ауа райы күтіледі.

"Атмосфералық фронталды бөліктерге байланысты Қазақстанның басым бөлігінде ауа райының тұрақсыз сипаты сақталады: жаңбыр мен қар түрінде жауын-шашын болады... Республика бойынша белең алатын ортақ табиғи құбылысқа тұманның түсуі, желдің күшеюі жатқызылады. Ал солтүстік-батыста, солтүстікте, оңтүстік-батыста көктайғақ болып, солтүстікте жаяу бұрқасы жүреді деп күтіледі". "Қазгидромет" РМК-ның баспасөз қызметі

Сондай-ақ ауа райы болжамы бойынша, үш өңірде жоғары өрт қаупі сақталады:

  • Қызылорда облысының оңтүстік-батысында, солтүстік-шығысында;
  • Алматы облысының солтүстігінде, шығысында;
  • Жетісу облысының оңтүстік-шығысында.

Бұған дейін синоптиктер Астана, Алматы және Шымкент қалалары бойынша 19-21 қараша аралығына арналған ауа райы болжамымен бөліскен болатын.

Мақаламен бөлісу
Мақаламен бөлісу:
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: