"Қазгидромет" мәліметіне сүйенген департамент бүгін, 19 қыркүйекте Алматыда кей жерлерде күшті, қысқа мерзімді жаңбыр жаууы мүмкін екенін хабарлады.
Тұрғындарға берілген ұсыныстар:
- Тауларға шығудан бас тарту
- Электр желілерінің бүтіндігін бақылау
- Көлікті ағаштар астына қоймау
- Әлсіз бекітілген құрылыстардың жанында тұрмау – жарақат алу қаупі бар
Туристерге ерекше ескерту жасалды: таулы аймаққа сапарлар мен серуендерді ауа райы тұрақталғанша кейінге қалдырған дұрыс.
"Кешкі сағаттарға дейін тауда тұрмаңыздар – қайту жолын жоғалту қаупі бар", – деп қосты ТЖД.
Синоптиктер мәліметінше, 20–22 қыркүйек күндері Алматыда жауын-шашын күтілмейді.