Оның айтуынша, 2025 жылдың басынан бері ел бойынша 61 кәмелетке толмаған "закладчик" ұсталған.
"Биылғы көрсеткіш өткен жылмен салыстырғанда сәл жоғары. Ұсталғандардың ішінде 40-ы колледж студенті, 10-ы мектеп оқушысы", – деді Әмірханов.
Спикер еске салғандай, Қазақстанда есірткі қылмыстары үшін қылмыстық жауапкершілік 16 жастан бастап белгіленген.
"Есірткі сату да осы санатқа кіреді. Кейде қоғамда жасы 13-ке дейін төмендетілсін деген пікірлер айтылады, бірақ бұл — жекелеген көзқарастар ғана. Мұндай шара тек аса ауыр қылмыстарға қатысты болуы мүмкін. Ал есірткі сату үшін жауапкершілік 16 жастан басталады және оны төмендету жоспарланбайды", – деп атап өтті ІІМ өкілі.
Еске сала кетсек, бұған дейін ІІМ әкімшілік полиция комитеті төрағасының орынбасары Алексей Милюк Павел Дуровтың Көлсай көлінде шомылуына қатысты жауапкершілік мәселесіне түсініктеме берген болатын.