Алатау ауданында бұрын жарық жеткіліксіз болған көшелер мен аумақтарда жарық желілерін қайта құру жұмыстары жүргізіліп жатыр. Бұл туралы аудан әкімдігі хабарлады.
2024 жылы әзірленген жобалық-сметалық құжаттама жалпы 255 аумақты қамтиды. Оның ішінде көшелер, өткелдер және көпқабатты үйлердің аулалары бар.
Қазіргі уақытта құрылыс-монтаж жұмыстары Боралдай, Мәдениет, Өжет, Теректі, Шапағат, Дархан–Байбесік, Алтын-алма, Томирис, Қарасу, Әйгерім-1,2, Шаңырақ-1,2, Ұлжан-1,2, Ақбұлақ, Зерделі, Самғау және Көкқайнар шағынаудандарында жүргізілуде.
Бүгінде 2 870 жарық бағаны мен 3 390 шам орнатылған. Жалпы жоба аясында 2 900 бағана мен 3 550 шам орнатылып, жарық желілерінің ұзындығы 93 шақырымға дейін жеткізілмек.
Құрылыс жұмыстары 2025 жылдың қараша айының соңына дейін аяқталады деп жоспарланған. Жоба толық жүзеге асқанда Алатау ауданы 100% жарықтандырылатын болады.