Құжатқа сәйкес, министрліктің құзыретіне бірқатар жаңа функциялар қосылды. Атап айтқанда, ведомство:
- еңбек жөніндегі уәкілетті мемлекеттік органмен келісу арқылы ұйымдар үшін еңбектің үлгілік нормалары мен нормативтерін бекітеді;
- қауіпті өндірістік нысандарды жаңарту және техникалық қайта жарақтандырудың жиынтық жоспарын әзірлеу мен келісу ережелерін дайындап, бекітеді.
Сонымен қатар министрлікке:
- уәкілетті орган айқындаған мұнай өнімдерін өндіру саласындағы бірыңғай оператордан мұнай өнімдерін сатып алу құқығы берілді.
2026 жылғы 1 қаңтардан бастап күшіне енетін жаңа редакцияда министрлік келесі функцияларды орындайды:
- өнеркәсіптік қауіпсіздік саласында басшыларды, мамандарды және қызметкерлерді даярлау, қайта даярлау және олардың білімін тексеру (емтихан алу) ережелерін әзірлейді және бекітеді;
- қауіпті өндірістік нысандардағы ғимараттар мен құрылыстарды уақтылы тексеру, диагностикалау және техникалық куәландыру барысына мемлекеттік бақылау және қадағалау жүргізеді.
Қаулы қол қойылған күнінен бастап күшіне енеді.