Болжам бойынша, жексенбі күні Қазақстанның басым бөлігінде ауа райы тұрақсыз болады.
"Елдің батысында, солтүстігінде және оңтүстігінде жауын-шашын, негізінен қар мол түседі. Республика бойынша тұман, көктайғақ, жел күшейеді және боран соғады", - делінген "Қазгидромет" РМК хабарламасында.
Сондай-ақ бес өңірде желдің екпіні секундына 30 метрге дейін және одан да жоғары болуы мүмкін. Атап айтқанда:
- Батыс Қазақстан облысында;
- Атырау облысында;
- Маңғыстау облысында;
- Ақтөбе облысында;
- Қостанай облысында.